Zəfər Qurbanovun elmi fəaliyyəti texniki biliklərin inkişafı, müasir texnologiyaların aqrar sahəyə tətbiqi və istehsalatla elmin inteqrasiyasının gücləndirilməsi istiqamətində mühüm əhəmiyyət daşıyır. O, nəzəri biliklərlə yanaşı, praktiki yanaşmanı da ön planda saxlayaraq tələbələrə müasir mühəndislik düşüncəsini aşılayır. Dərs prosesində innovativ metodlardan istifadə etməsi, yeni texnologiyaların öyrədilməsinə xüsusi önəm verməsi və daim yenilikləri izləməsi tələbələrin peşəkar hazırlıq səviyyəsinin yüksəlməsinə mühüm təsir göstərir.
Azərbaycan Dövlət Aqrar Universitetində göstərdiyi səmərəli fəaliyyət nəticəsində yüzlərlə tələbənin peşəkar mühəndis kimi formalaşmasında onun əvəzsiz əməyi vardır. Gənclərlə qurduğu səmimi münasibət, onların elmi araşdırmalara cəlb olunmasına verdiyi dəstək və hər bir tələbənin potensialını üzə çıxarmağa çalışması müəllimlik peşəsinə olan yüksək məsuliyyət hissinin bariz nümunəsidir. Onun rəhbərliyi və məsləhətləri ilə yetişən mütəxəssislər bu gün ölkənin müxtəlif sahələrində uğurla fəaliyyət göstərərək Azərbaycanın inkişafına öz töhfələrini verirlər.
"Tərəqqi" medalına layiq görülməsi də Zəfər Qurbanovun uzun illər ərzində elm, təhsil və dövlət qarşısında göstərdiyi xidmətlərin yüksək qiymətləndirilməsinin bariz göstəricisidir. Bu mükafat onun peşəsinə sədaqətinin, elmi fəaliyyətinin və gənc nəslin yetişdirilməsi istiqamətində gördüyü ardıcıl işlərin dövlət səviyyəsində təqdir olunduğunu göstərir. O, qazandığı uğurları yeni elmi layihələrə və tədris prosesinin daha da təkmilləşdirilməsinə yönəldərək daim inkişaf yolunu seçən ziyalı simalardandır.
Zəfər Qurbanovun fəaliyyətində diqqət çəkən mühüm məqamlardan biri də cəmiyyətə faydalı olmaq prinsipinə sadiqliyidir. O, yalnız auditoriyada dərs deyən alim kimi deyil, həm də insanlara yol göstərən, onların inkişafına dəstək verən ziyalı kimi tanınır. Elmə, təhsilə və milli dəyərlərə bağlılığı ilə seçilən dosent tələbələr arasında dürüstlük, məsuliyyət, əməksevərlik və vətənə bağlılıq kimi ali keyfiyyətlərin formalaşmasına xüsusi önəm verir.
Onun fəaliyyətində sosial həssaslıq da mühüm yer tutur. Şəhid ailələrinə və qazilərimizə göstərilən mənəvi diqqət və ehtiram, onların cəmiyyətimizdə layiq olduqları yüksək dəyərin qorunmasına verdiyi dəstək Zəfər Qurbanovun vətəndaş məsuliyyətinin təzahürüdür. O, Vətən uğrunda canından keçmiş qəhrəmanlarımızın ailələrinə və sağlamlığını itirmiş qazilərimizə daim hörmətlə yanaşılmasının vacibliyini hər zaman ön plana çəkərək, bu istiqamətdə həyata keçirilən təşəbbüslərə həssas münasibət nümayiş etdirir. Belə humanist yanaşma onun həm alim, həm də nümunəvi ziyalı obrazını daha da möhkəmləndirir.
Elm daim yenilənməyi tələb edir və Zəfər Qurbanov bu prinsipə sadiq qalaraq elmi araşdırmalarını, metodiki fəaliyyətini və pedaqoji təcrübəsini müasir dövrün tələblərinə uyğun şəkildə inkişaf etdirməyə davam edir. O, texniki elmlərin aqrar sektorun inkişafında oynadığı mühüm rolu tələbələrə aydın şəkildə çatdırır, innovativ yanaşmaların tətbiqini təşviq edir və elmin real istehsalata xidmət etməsinin vacibliyini hər zaman vurğulayır. Bu yanaşma həm universitetin elmi potensialının güclənməsinə, həm də ölkənin aqrar sahəsinin müasir tələblərə uyğun inkişafına mühüm töhfə verir.
Bu gün Zəfər Qurbanov öz peşəkarlığı, zəngin elmi fəaliyyəti, yüksək pedaqoji bacarığı və cəmiyyətə xidmət prinsipi ilə Azərbaycan ziyalısının ən gözəl nümunələrindən biri kimi dəyərləndirilir. Onun elmə, təhsilə və insan kapitalının inkişafına həsr etdiyi fəaliyyət gələcək nəsillər üçün örnək olmaqla yanaşı, ölkəmizin elmi potensialının daha da güclənməsinə xidmət edir. Belə alimlərin fəaliyyəti Azərbaycan təhsilinin uğurlarını daha da möhkəmləndirir və onların yetişdirdiyi gənclər gələcəyin güclü, bilikli və vətənpərvər mütəxəssisləri kimi ölkəmizin inkişafında mühüm rol oynayırlar.
